Prekvalifisering – Kunst i Førdepakken

Førdepakken er ei stor, pågåande utbygging av vegnettet i Førde sentrum som skal sikre ein miljøvenleg og stabil trafikksituasjon i Førde og leggje til rette for fortetting og byutvikling. Som del av Førdepakken skal det oppførast kunst i offentleg rom som møter lokalbefolkning og gjennomreisande i kvardagen. Førdepakken lyser ut opa prekvalifisering for to kunstverk som skal oppførast i utbyggingsområda for Tiltak 1 og i krysset mellom Tiltak 12 og 16. 

Rammer for kunstprosjekt

Kunstbudsjett for kvart av kunstverka er 1.000.000 kr inkl. MVA. Summen inkluderer produksjonsutgifter og kunstnarhonorar. Kunstavgift til BKH kjem i tillegg. Oppføring av kunstverka er hausten 2026. Etter opa innsending av prekvalifiseringsmateriale vert tre kunstnerar for kvart av områda invitert til ein lukka skissekonkurranse. Konkurransehonorar er på kr 30.000 og det vert i tillegg dekka reisekostnader på inntil 5.000 kr for befaring som gjennomførast den 23. januar 2026. 

Prekvalifisering

Kunstnerar som er interesserte i oppdraget sender inn prekvalifiseringsmateriale til kunstkonsulent Magnhild Øen Nordahl på kunstiforde@gmail.com innan fristen 18. desember 2025. Prekvalifiseringsmaterialet skal vere på inntil 15 sider, innehalde ein kort motivasjonstekst, dokumentasjon av relevante kunstverk og CV. Alt materialet må vere samla i ei PDF-fil på maks 20MB og merkast etternamn_fornavn. Emnefelt i e-post merkast ‘Prekvalifisering Etternamn Namn’. 

Fristar

18.12.25 Frist prekvalifisering

23.01.26 Befaring lukka skissekonkurranse

20.03.26 Levering skisseforslag

Haust 2026 Oppføring kunst

Kunstnerar som tidlegare har sendt inn prekvalifiseringsmateriale blir vurdert i denne runden. Sjå kunstplanen for meir informasjon om områda og prosjektet. Sjå også Førdepakken si nettside for meir om vegutbygginga. Spørsmål om utlysinga rettast til kunstkonsulent Magnhild Øen Nordahl på kunstiforde@gmail.com