Ved val av kunst til Blåklokka foreldre og barn-senter i Førde blei det særleg lagt vekt på å ta omsyn til dei funksjonane bygde skal vareta, som ei ramme for dagliglivet for barn og foreldre i ein vanskeleg livssituasjon. Jørgen Moes Bloomblaster er utforma som ei maskin der ein støvsugarslange endar opp i eit apparat med ei opning utforma som ein blom. Namnet viser til at maskina "blæs ut" blomane som er strødde rundt og som sprengjer seg fram frå sjølve maskina. Skulpturen er utførd i steingodsleire som er pussa ned og maskinelt lakkert med billakk. Den estetiske behandlinga av den maskinelle forma er kopla opp mot det organiske i form av blomster som gir skulpturen eit uttrykk av varme og nærleik.

JØRGEN MOE
Bloomblaster, 2005, installasjon/keramikk / installation/ceramics

Kunstkonsulent/Art Consultant: Gunnar H. Gundersen
Arkitekt/Architect: ARKI arkitekter
Byggherre / Builder: Statsbygg
Stad / Place: Førde