Bygg for Biologiske Basalfag (BBB) ved Universitetet i Bergen stod ferdig i 2003 og kunsten var på plass i 2006. Her vert legar utdanna for framtida og her vert det forska i grunnleggjande biologi. KOROs kunstkonsulentar, Jon-Ove Steihaug (leiar i kunstutvalet) og Gerd Tinglum fann ut at dette prosjektet krevde kunst som kunne spele opp mot funksjonen og verksemda i bygget. Kunsten skulle ikkje vere "som glasuren på kaka", men derimot fungere som ein kommentar til det grunnleggjande ved det å vere menneske.

I fokus for Arne Malmedals lysmaleri i vindusrekkja i makrosalane vert sjølve fargen, i samspel med det skiftande lyset utanfor, sanseleg og meiningsberande. I det store trappetårnet finst ein interaktiv lydinstallasjon av Natasha Barrett. Ho arbeider skulpturelt med lyd som kvalitet. Lyden i dette kunstverket vert prossessuert av eit datasystem som i si komplekse form ikkje er så ulik den teknologien ein gjer seg nytte av innan medisinsk forsking. Dei to japanske hagane, den eine i atriet og den andre er gardsrommet, er skapt av den japanske Zen-presten og landskapsarkitekten Shunmyo Masuno. Hagane ber i seg ein neste tusen år gamal spirituell hagekunst-tradisjon - i møte med norsk natur og arkitekuren til
dette særlege bygget.

Kunsten ved BBB-bygget forheld seg til generell menneskeleg erfaring og sansing. At menneskekroppen er mangfoldig og samansett kjem godt fram i arbeida. John Coplans og Vibeke Tandbergs fotografi tematiserer over kroppenes aldring og endring og kunstnarane nyttegjer seg sin eigen kropp som tema for undersøkjingar. Tom Sandbergs monumentale svart kvitt - fotografi er nøye tilpassa i storleik i høve til veggene og forheld seg dermed til arkitekturen på ein subtil måte. Fotokunsten i vrimlearealet kan seiast å vere memento for den biologiske vitskapen som bygget er via til. I dei tre møteromma er det nytta maleri av Therese Christensen og tekstil av Kari Dyrdal.

NATASHA BARRETT
Adsonore, interaktiv lydinstallasjon, 2002-2004

THERESE CHRISTENSEN
Vintersuite I, V, VI, VII, 2001-2003, maleri

JOHN COPLANS
Self Portrait Crossed Fingers No 1, 2, 3, 4, 7, 1999, fotografi

KARI DYRDAL
Aleppo I, II, 2005, tekstil

ARNE MALMEDAL
UTEN TITTEL - komposisjon med 6 farger, 2002
Laminert og sandblåst glass

SHUNMYO MASUNO
SEIGEN-tei, 2003, japansk hage

TOM SANDBERG
Uten tittel (Bølgen), 2004, fotografi
Uten tittel (Hode på stranden), 2004, fotografi
Uten tittel (Akt), 2004, fotografi

VIBEKE TANDBERG
Vibeke Tandberg
Undo #1, #3, #5, fotografi, 2003

Kunstkonsulenter / Art Consultants: Jon Ove Steihaug, Gerd Tinglum
Arkitekt / Architect: Narud-Stokke-Wiig arkitekter as
Byggherre / Builder: Statsbygg
Sted / Place: Bergen